هێرۆشیما، یابان – 6ی ئابی 2026

بەڕێز سه‌ردار ا‌لبیبانی، سەرۆک و بەڕێوەبەری جێبەجێکاری گروپی کۆمپانیاکانی سەردار، لەگەڵ نوێنەرانی گروپەکە و زانکۆی ئەمریکی لە عێراق – بەغداد (AUIB)، بەشدارییان لە بەرنامەیەکدا کرد کە لەلایەن زانکۆی هێرۆشیما لە یابان لە ڕۆژانی 5 و 6ی ئابی 2026 ڕێکخرا بوو، کە بەشداریکردنی لە شەشەمین کۆنگرەی سەرۆک زانکۆکان بۆ ئاشتی لەخۆگرتبوو، هاوکات لەگەڵ ئیمزاکردنی یاداشتنامەیەکی لێکتێگەیشتن لە نێوان زانکۆی ئەمریکی لە عێراق – بەغداد و زانکۆی هێرۆشیما.

ئیمزاکردنی یاداشتنامەکە دوای پڕۆسەیەک لە پەیوەندیکردن لە نێوان هەردوو زانکۆکەدا هات، کە تێیدا گروپی کۆمپانیاکانی سەردار و تۆیۆتا عێراق، وەک دوو هاوبەشی زانکۆی ئەمریکی لە عێراق – بەغداد، و بە پاڵپشتیی کۆمپانیای سومیتۆمۆ، ڕۆڵیان هەبوو لە ئاسانکاریکردنی سەرەتاکان و بەهێزکردنی پەیوەندی لە نێوان هەردوو لادا تا گەیشتن بەم هەنگاوە.

یاداشتنامەی لێکتێگەیشتنەکە بنەمایەک دابین دەکات بۆ گەڕان بەدوای دەرفەتەکانی داهاتوو لە بوارەکانی ئاڵوگۆڕی ئەکادیمی، پەروەردە، توێژینەوەی زانستی و هاوکاری دامەزراوەیی، بە شێوەیەک کە ڕەنگدانەوەی توانای ئەو پەیوەندییە نێودەوڵەتییانەیە کە گروپی کۆمپانیاکانی سەردار و کۆمپانیاکانی بنیاتیاناوە بۆ کردنەوەی ڕێچکەی نوێ بۆ پەیوەندیکردن و ئاڵوگۆڕی زانیاری لە نێوان عێراق و دامەزراوە نێودەوڵەتییەکاندا، کە کاریگەرییەکانیان درێژ دەبێتەوە بۆ ئەو کەرتانەی پەیوەستن بە گەشەپێدانی مرۆڤ و داهاتوویەوە، گرنگترینیان پەروەردە و فێربوونن.

هەروەها شاندەکە بەشدارییان کرد لە شەشەمین کۆنگرەی سەرۆک زانکۆکان بۆ ئاشتی، کە لەلایەن زانکۆی هێرۆشیما لە کەمپەسی هێگاشی-سیندا لە 6ی ئاب ڕێکخرابوو، و سەرۆک، سەرکردە و نوێنەرانی 17 زانکۆی لە 11 وڵات و ناوچەوە کۆکردبووەوە، بۆ تاوتوێکردنی ڕۆڵی زانکۆکان، پەروەردە، توێژینەوە و ئاڵوگۆڕی نێودەوڵەتی لە پاڵپشتیکردنی ئاشتی و بەردەوامی و بەهێزکردنی هاوکاری نێوان کۆمەڵگەکان.

بەرنامەی سەردانەکە ژمارەیەک وێستگەی پەیوەندیدار بە مێژووی هێرۆشیما و پەیامەکەی لەخۆگرتبوو، لەوانە سەردانیکردنی باخچە و مۆزەخانەی یادەوەری ئاشتی هێرۆشیما، و بەشداریکردن لە ڕێوڕەسمی یادکردنەوەی قوربانییەکانی بۆمبی ئەتۆمی. سەردانەکە پەیامی هێرۆشیما بۆ ئاشتی و گفتوگۆی ئەکادیمی کۆکردەوە، بۆ ئەوەی دەروازەیەکی نوێ بۆ پەیوەندی لە نێوان دامەزراوە عێراقی و یابنییەکاندا بکاتەوە، و جەخت لەوە بکاتەوە کە پەیوەندییە نێودەوڵەتییەکان دەتوانن لە سنووری کاروباری بازرگانی تێپەڕن، بۆ دروستکردنی دەرفەت بۆ زانیاری، پەروەردە و لێکنزیکبوونەوەی نێوان کۆمەڵگەکان.